- Auglýsing -
Ekki er hægt að taka fleiri íbúa inn á mesta hættusvæðið í Grindavík í dag, af öryggisástæðum.
Samkvæmt tilkynningu Almannadeildar ríkislögreglustjóra er af öryggisástæðum ekki hægt að taka fleiri íbúa Grindavíkur inn á mesta hættusvæðið í dag.
Yfirlýsinguna má lesa hér:
Vakin er athygli á því að af öryggisástæðum er ekki hægt að taka fleiri íbúa inn á mesta hættusvæðið í dag. Það færi gegn ráðleggingum okkar helstu sérfræðinga hjá Veðurstofu Íslands og samstarfsaðila við Háskóla Íslands.
Fyrirtækjum verður sinnt eins og áður segir frá kl. 14. Haft hefur verið samband við þau fyrirtæki. Á sama tíma er unnið að sértækum aðgerðum sem ekki komu fram í fréttatilkynningu lögreglustjóra nú í morgun, m.a. verðmætabjörgun úr verslun Samkaupa í Grindavík ásamt öðrum verkefnum. Verðmætabjörgun sem fyrr er undir eftirliti viðbragðsaðila.