Eldsvoði í Funahöfða – Einn fluttur á sjúkrahús

Eldur logar í húsnæði á Funahöfða 9. Allt tiltækt lið slökkviliðsins er í útkallinu.

Samkvæmt heimildur Mannlífs logar nú eldur í húsnæði á Funahöfða 9, Reykjavík. Á Funahöfða 9 er fyrirtækið AB Varahlutir til húsa.

Mannlíf ræddi við vaktstjóra á Slökkvistöð 80 sem staðfesti að um stórt útkall væri að ræða: „Við erum með allt okkar lið á Funahöfða 9 vegna eldsvoða.“ Ekki gat hann gefið frekari upplýsingar þar sem hann var ekki á vettvangi sjálfur.

Búið að slökkva eldinn

Sam­kvæmt upp­lýs­ing­um frá Slökkviliðinu á höfuðborg­ar­svæðinu tók um 45 mín­út­ur að slökkva eld­inn en töluverður reykur barst frá hús­næðinu.

Þá kom einnig fram hjá Slökkviliðinu að búið hafi verið í húsinu og að einn hafi verið fluttur á brott sem sjúkrabíl en ekki fengust fréttir af líðan einstaklingins.

Fréttin hefur verið uppfærð.