- Auglýsing -
Rúmlega fjögur hundruð skjálftar hafa mælst á Reykjanesskaganum frá miðnætti en stærsti skjálftinn var 2,7 að stærð. Þá verður haldinn upplýsingafundur Almannavarna klukkan ellefu í dag þar sem farið verður yfir stöðuna. Samkvæmt Veðurstofu Íslands er ástandið óbreytt og líkur á eldgosi enn taldar miklar.
Mikið landris hefur orðið í Grindavík síðustu daga og er landslag þar orðið töluvert breytt. Þá hefur þeim íbúum sem ætla sér til Grindavíkur í dag verið beint að lokunarpóstinum við mót Krísuvíkurvegar eða Strandvegar í stað Grindavíkurvegs eða Reykjanesbrautar. Enn ríkir mikil óvissa fyrir Grindvíkinga og ekki liggur fyrir hvort eða hvenær fólk geti snúið aftur til síns heima.