Sigurður Fannar Þórsson, sem grunaður er um að hafa orðið tíu ára dóttur sinni, Kolfinnu Eldeyju að bana um miðjan september, var í dag úrskurðaður í áframhaldandi gæsluvarðhald til 14. nóvember.
Elín Agnes Kristínardóttir, aðstoðaryfirlögregluþjónn hjá miðlægri rannsóknardeild staðfesti gæsluvarðhaldsúrskurðinn við Vísi.
Kolfinna Eldey fannst látin við Krýsuvíkurveg 15. september síðastliðinn eftir að faðir hennar hafði sjálfur tilkynnt lögreglu um andlátið. Var hann hantekinn á staðnum og hefur sætt gæsluvarðahaldi allar götur síðan.
Mannlíf upplýsti 18. september að ekkert benti til þess að skipulagður glæpahópur væri viðriðinn morðið á Kolfinnu Eldeyju en miðillinn hafði það eftir Grími Grímssyni sem kannaðist við þann orðróm en sagði hann ósannan.