Félagið Ísland-Palestína boðar til samstöðutónleika fyrir Palestínu á fimmtudaginn.
Samstöðutónleikar verða haldnir af Félaginu Ísland-Palestína í Gamla bíói fimmtudaginn 16. nóvermber. Þeir listamenn sem fram koma eru alls ekki af verri endanum en það eru þau Páll Óskar Hjálmtýsson, Úlfur Úlfur, Cyber og JDFR. Kynnir er leikkonan og rapparinn Þuríður Blær.
Húsið opnar klukkan 19:00 en klukkan 19:45 verður stuttmynd frá Amnesty International birt en hún er um aðskilnaðarstefnu Ísraels. Tónleikadagskrá hefst svo klukkan 20:00.
Hægt er að kaupa miða á Tix.is en miðaverð er 2.500 krónur. Allur ágóði rennur í neyðarsöfnun handa íbúum Gaza.
Þá verður varningur til styrktar Palestínu til sölu á tónleikunum, svo sem bolir, taupokar og Keffiyeh treflar.
Neðst í tónleikalýsingunni á Tix.is stendur: „Brjótum niður múrinn! Frjáls Palestína!“