„Update, sendi email og fékk mjög pr svar frá Olgu Lísu. Í svari sínu axlar hún allri ábyrgð annað: „það má ekki reka hann fyrir að hafa skoðannir” “stofnanir samfélagsins þurfa að endurskoða ýmsa verkferla”“
Þetta skrifar Álfrún Auður á Twitter en hún vakti í gær athygli á því á sama vettvangi að einn kennara í Framhaldsskóla Suðurlands væri að birta athugasemdir á netinu sem væri ekki kennara sæmandi. Líkt og kemur fram hér fyrir ofan þá upplýsti hún Olgu Lísu Garðarsdóttur, skólameistari FSu, um málið og fékk umrætt svar.
Téður kennari heitir Magnús Másson og kennir stærðfræði við FSU. Álfrún Auður birtir ummæli hans á Twitter í gær og skrifaði: „Þessi er kennari við FSu.. kemur á óvart.“ Ummæli Magnúsar hljóða svo: „Þungunarrof/fóstureyðing er ekkert annað en MORÐ. Ekki er hægt að setja fóstureyðingu í neinn annan búning. 800 börn eru myrt á hverju ári á Íslandi. Allir verða óðir ef kerlingartuðra sparkar í hundinn sinn, fáir æsa sig yfir hvaladrápi og þeir sem mótmæla fóstureyðingum eru titlaðir fasistar. Konur hafa ekkert meiri rétt yfir ófæddu barni en faðirinn. Ef faðirinn vill ekki barnið, þá ætti konan að fara í fóstureyðingu á sömu forsendum og konan. Fóstureyðing er morð, hvernig sem á málið er litið.“
Tíst Álfrúnar hefur vakið mikla athygli en margir bera Magnúsi ekki góða söguna í athugasemdum. „Hef aldrei heyrt neitt gott um hann frá neinum nemanda. Var sjálfur í FSu í einhvern tíma og var talinn heppinn af öllum því ég var aldrei í tíma hjá honum,“ skrifar Elfar Oliver. Kona nokkur, Magga, skrifar svo: „Var hjá honum i stæ, fékk svoooo creepy vibe frá honum.“
Álfrún var ekki sú eina sem benti Olgu Lísu á málið en Snorri nokkur Sturluson segist einnig hafa gert það. Hann skrifar: „Skólameistari FSU svaraði ábendingu minni og þakkaði mér fyrir hana og ætlar að ræða við kennarann. Dropinn Hilmar steininn, því fleiri ábendingar sem hún fær því líklegra er að eitthvað verði gert.“
Þessi er kennari við FSu.. kemur á óvart🙃 pic.twitter.com/moxlFfdAna
— Álfrún Auður🇺🇦 (@alfrunab94) October 17, 2022