Fjölskylduhjálp Íslands á Reykjanesinu tekur íslenskar fjölskyldur framyfir erlenda ríkisborgara með íslenskar kennitölur þegar kemur að matarútdeilingum fyrir jólin.
Baráttukonan Þórunn Ólafsdóttir bendir á tilkynningu frá Fjölskylduhjálp Íslands á Reykjanesi, á Twitter-reikningi sínum en hún hefur farið fyrir brjóstið á mörgum.
Í færslunni segir að Fjölskylduhjálpin muni byrja útdeilingum fljótlega ef veður leyfir. Þá segir orðrétt: „Við munum þá byrja á Íslendingunum sem sóttu um jólaaðstoð. Og ef vel gengur þá í beinu framhaldi á erlendum ríkisborgurum með íslenskar kennitölur. Ef veður leyfir.“
„Sé það á honum“
Maður sem kallar sig Kjartan úr Strumpunum á Twitter skrifaði athugasemd við færslu Þórunnar en þar stóð: „Mætti í rvk rétt fyrir lokun m/ samkynh afríkanska skjólstæðingi mínum með kt degi of snemma (íslendingadag) fyrir mistök. Án þess að hafa fengið að sýna kt sína „hann á að mæta morgun“. Ég: „Hvernig veistu?“ Starfsm:“Sé það á honum“ Ég:“Vilt þú útskýra það fyrir honum eða á ég?“ “
Fleiri skrifuðu athugasemdir og hneiksluðust af meintum rasisma samtakanna. Þórunn skrifaði svo nýja færslu í dag: „Þetta með Fjölskylduhjálp Íslands og rasisma er ekkert nýtt vandamál. Næstum árlega kemur upp umræða vegna framkomu þeirra í garð fólks af erlendum uppruna og átakanlegar reynslusögur af mismunun. En ríkisstjórnin lætur það nú ekki stoppa sig í að moka í þau skattfé.“ Þarna vísar Þórunn í styrki ríkisstjórnarinnar til hjálparsamtakanna.
Fjölskylduhjálpin sá að sér
Fjölskylduhjálpin á Reykjanesinu tók eftir þeirri gagnrýni sem fyrri póstur þeirra varð fyrir og sendi nýja yfirlýsingu sem hægt er að sjá hér fyrir neðan:
