- Auglýsing -
Lögreglan sinnti ýmsum útköllum í nótt en hún greinir frá hluta þeirra í dagbók sinni.
Þrír ökumenn voru handteknir grunaðir um ölvunarakstur og þá var einn handtekinn grunaður að vera undir áhrifum vímuefna. Tveir voru sektaðir fyrir að aka án ökuréttinda og var einn sektaður fyrir að keyra of hratt. Þá stöðvaði lögreglan einn ökumann og skipaði honum að fara með bílinn í skoðun en ástand bílsins þótti svo slæmt.
Lögreglan fékk tilkynningu um flugelda og sinnti þeirri tilkynningu en ekki eru gefnar upp nánari upplýsingar. Þjófur var gripinn við að brjótast inn í bíl en hann þótti ekki hæfur í skýrslutöku svo hann gisti fangageymslu.