Þrír piltar réðust á fimm menn á Laugavegi með þeim afleiðingum að einn mannanna handleggsbrotnaði, annar rifbeinsbrotnaði og þriðji var laminn í andlitið með meitli og missti að sökum þess þrettán tennur. Drengirnir veittust að mönnum vopnaðir bareflum; rörbútum, spýtum og meitli. Tveir árásarmannanna voru 16 ára og sá þriðji 15 ára þegar atvikið átti sér stað, klukkan 10 mínútur yfir sex, sunnudagsmorguninn 24. apríl 1994.
Í dagbók lögreglu sem birtist í Morgunblaðinu 26. apríl 1994 stóð:
„Alvarlegasta árásarmálið gerðist um kl. 06.10 á sunnudagsmorgun þar sem þrír ungir menn réðust fyrst að tveimur á Laugavegi, annar þeirra hlaut handleggsbrot en hinn síðubrotnaði nokkru síðar og var sá þriðji fyrir árás af sömu mönnum, en sá var laminn í andlit og brotnuðu 13 tennur. Árásarmennirnir voru með barefli, prik, rörbút og meitil, en hann var notaður í andlit þess sem tennur brotnuðu í.“
Eftir árásinu hlupu piltarnir af vettvangi og niður á Hverfisgötu þar sem aðrir vegfarendur reyndu að hamla för þeirra og kölluðu eftir aðstoð lögreglu. Þá segir í annarri frétt í Morgunblaðinu, 26. apríl 1994:
„Þá hafði einn mannanna, sem úrskurða í gæsluvarðhald sökum piltarnir réðust á á Laugavegi, veitt þeim eftirför og sló einn piltanna hann með meitli í andlitið, svo 13 tennur brotnuðu. Manninum tókst samt sem áður að hafa árásarmanninn undir og halda honum þar til lögregla kom á staðinn. Hinir piltamir tveir voru svo handteknir skammt frá.“
Allir með afbrotasögu
Tveir piltanna voru úrskurðaðir í gæsluvarð en sá yngsti sem var einungis 15 ára gamall var sendur á Unglingaheimili ríkisins og látinn laus eftir stutta viðveru.
Hinn 15 ára gamli hafði verið í hópi innbrotsþjófa, sem réðust að manni í Breiðholti, en fórnarlambið hafði komið að þeim við innbrot.
Annar þeirra tveggja 16 ára var í hópi unglinga, sem hafði gengið berserksgang og framið mikil skemmdarverk í nokkrum sumarbústöðum við Meðalfellsvatn árinu áður.
Þriðji pilturinn átti sögu um ýmis afbrota og hafði ekki hafið afplánun dóms sem hann hlaut vegna annarra brota. Var hann því laus vegna þess að áfrýjunarfrestur til Hæstaréttar var ekki liðinn.
30 innbrot á 43 dögum
Miðvikudaginn 27. apríl 1994 birist samantekt í DV á brotum piltsins. Þar kom fram að hann hafi hlotið dóm vegna innbrota í 29 söluturna, myndbandaleigur og sendibílastöð. Hafði hann rænt miklum fjárhæðum í innbrotunum og úr spilakössum. Einn þeirra sem hann í liðtogi við aðra hafði sprengt í loft upp.
Pilturinn hlaut árs óskilorðsbundið fangelsi en hann átti að baki sér tvo aðra skilorðsbundna dóma:
„Héraðsdómur tók tillit til ungs aldurs piltsins og þess að hann játaði brot sín greiðlega. Á móti kom mikill fjöldi brota og að andvirði þess sem hann tók var yfir 800 þúsund krónur. Einnig það að hann stundaði brot sín sem um atvinnu væri að ræða.“
