Forsvarsmenn nýja flugfélagsins Play hafa boðað fulltrúa íslenskra ferðaþjónustufyrirtækja á „fræðslu- og fjárfestakynningu” klukkan 13.00 í dag. Túristi.is greinir frá.
Þar segir að í fundarboðinu komi fram að Play sé ætlað að fylla það skarð sem WOW air skildi eftir sig og tryggja að ferðamenn geti sótt Ísland með lægri tilkostnaði. „Það gefur augaleið að með komu Play á markaðinn mun eftirspurnin eftir þjónustu ferðaþjónustufyrirtækja á Íslandi aukast til muna og mun Play vera gríðarleg innspýting inn í íslenskt atvinnulíf,” segir m.a. í fundarboðinu.
Þann 5. nóvember héldu forsvarsmenn Play fund í Perlunni og kynntu áfrom sín. Þar kom fram að stefnt væri að því að hefja sölu á flugmiðum í nóvember og að jómfrúarflugið yrði í desember. Síðan þá hefur verið greint frá því að hægar gangi að safna hlutaféi heldur en áætlað var.