Jón Viðar Jónsson segir ekkert koma fram í bók Guðmundar Magnússonar um sr. Friðrik Friðriksson, sem bendi til þess að presturinn hafi misnotað drengi í KFUM.
Leiklistargagnrýnandinn Jón Viðar Jónsson segist á Facebook hafa nýverið lokið við að lesa bók Guðmundur Magnússonar um sr. Friðrik Friðriksson. Segir hann að hægt sé að segja margt um bókina, sumt gott en annað miður gott. „En eitt ætla ég að fullyrða hér og nú: Í henni kemur EKKERT fram sem bendir til, hvað þá sannar, að guðsmaðurinn hafi misnotað á nokkurn hátt þá stöðu sem hann hafði gagnvart drengjum og unglingspiltum í KFUM,“ segir Jón Viðar. Segir hann að eina sem er nokkurnveginn áþreyfanlegt í þá áttina, sé „vitnisburður aldraðs manns sem treystir sér ekki til að koma fram undir nafni, frásögn sem í ofanálag verður að segjast býsna óljós.“ Spyr Jón Viðar hvort Friðrik hafi ekkert annað gert en að káfa á honum. „Sagði hann ekkert við hann?“
Segir hann að Guðmundur segist telja manninn trúverðugan en að það sé alls ekki nóg. „Auðvitað hefði hann átt að láta einhvern reyndan fagaðila með sérþekkingu á slíkum málum meta vitnisburð mannsins og helst að taka af honum nákvæma skýrslu, áður en hann tók sjálfur á sig þá ábyrgð að birta söguna.“ Bætti Jón Viðar við: „ Að varpa rýrð á minningu sr. Friðriks, sem var fjölgáfaður yfirburðamaður (nokkuð sem kemur skýrt fram við lestur bókarinnar og er einn hennar mesti styrkur), á ekki sterkari grunni, það er hvorki góð sagnfræði né blaðamennska.“
Færsluna má lesa í heild hér fyrir neðan: