Á jóladag er tilvalið að fara með fjölskyldunni út að ganga. Á stystu dögum ársins þrá flestir dagsbirtuna. En það er ekki öllum gefið að fara út að ganga þar sem víða eru hálkuvarnir í ólagi. Helstu stofnbrautir og gangstéttir eru saltaðar en öðru máli gegnir um íbúagötur.
Í hverfagrúppunni Vesturbærinn kvarta íbúar sáran undan flughálum gangstéttum í borghlutanum. Í athugasemdum við færsluna verklag borgarinnar harðlega gagnrýnt og gert grín að þjónustuhandbók um vetrarþjónustuna verði væntaleg í janúar eftir að skipuð verði stýrihópur utan um leturgerð hennar.
Vetrarþjónusta borgarinnar
Stefna borgarinnar hefur verið að fækka bílastæðum á borgarlandi og þrengja að einkabílum. Skýtur því skökku við að ekki sé hugað betur að aðgengi fyrir gangandi vegfarendur og hjólandi.
Íbúi í miðborginni tekur í sama streng og veltir fyrir sér hvers vegna svo lítil vetrarþjónusta af hálfu borgarinnar og bendir á að hvergi sé gott aðgengi að salti eða sandi fyrir þá sem vilji ganga sjálfir í verkið. „Liggur við að maður fari á skautum í vinnuna.“
Þá hvatti íbúi í Skerjafirði nágranna sína að taka höndum saman salta fyrir utan sínar lóðir þar sem borgin væri að bregðast skyldum sínum. Fram kom að kona hans hafði dottið illa og brotið á sér höndina í fallinu.
Annar segir frá því að hann finn sér enn meins, tveimur vikum síðar, eftir að hafa flogið aftur fyrir sig og lent á bakinu.
Þjónustuflokkur gatna
Inni á borgarvefsjá má kynna sér í hvaða þjónustuflokki tilteknar götur eru. Er þeim skipt upp í fjóra mismunandi flokka eftir umferð.
Götur
- Þjónustuflokkur 1: Helstu stofnbrautir, mikilvægar tengigötur vegna neyðarþjónustu, fjölfarnar safngötur og strætisvagnaleiðir.
- Þjónustuflokkur 2: Aðrar safngötur og aðkoma að leik- og grunnskólum.
- Þjónustuflokkur 3: Húsagötur.
Sandur aðgengilegur á þremur stöðum
Fram kemur á vef borgarinnar:
„Hægt er að sækja salt og sand á opnunartíma þjónustumiðstöðvar borgarlandsins við Stórhöfða. Einnig eru kistur með salti og sandi aðgengilegar fyrir utan hverfastöðvarnar á Fiskislóð og Jafnaseli.“