Tveir ofstopamenn voru handteknir í miðbæ Reykjavíkur í nótt samkvæmt dagbók lögreglu. Sá fyrri gekk berserksgang fyrir utan veitingastað rétt fyrir miðnætti. Hann er sagður hafa stokkið upp á borð þar sem hann var með ógnandi tilburði við vegfarendur. Þegar lögregla mætti á svæðið var hann óviðræðuhæfur og hótaði lögregluþjónum. Hann gistir fangageymslu.
Sá seinni var handtekinn klukkan tæplega fjögur. Þá barst lögreglu tilkynning um slagsmál og var óskað eftir aðstoð. Sá maður var engu skárri en sá fyrri. Lögregla segir hann hafa verið viðskotaillan og ekki farið að fyrirmælum. Hann gistir sömuleiðis fangageymslu.
Svo var einn maður í viðbót sem lögregla þurfti að hafa afskipti af. Sá barði á glugga ríkisstofnunar í miðborginni rétt fyrir miðnætti. Þetta truðlaði vinnusama ríkisstarfsmenn sem þar voru að störfum. Lögregla sagði honum að hypja sig og koma ekki aftur.