Kristniboðinn og kennarinn Gísli B. Arnkelsson lést á Hrafnistu í Hafnarfirði þann 1. apríl. Gísli var 91. árs gamall.
Samkvæmt frétt mbl.is af andláti Gísla var hann fæddur 19. janúar árið 1933 en foreldrar hans voru Arnkell Ingimundarson og Valgerður Kr. Gunnarsdóttir, ljósmóðir. Gísli ólst upp í Grímsstaðaholti í Reykjavík og síðar í miðborginni. Átti hann fjögur systkini og eina fóstursystur.
Gísli kvæntist eftirlifandi eiginkonu sinni, Þorbjörgu Guðlaugsdóttur á gamlársdag árið 1954. Hjónin eignuðust sex börn, þau Guðlaug, fæddan 1956, Valgerður Arndís, fædda 1958, Bjarna, fæddan 1961, Karl Jónas, fæddan 1963, Kristbjörgu Kríu, fædda 1966 og Kamillu Hildi, fædda 1969. Þá eru barnabörnin 17 og barnabarnabörnin 27.
Gísli stundaði nám í Miðbæjarskóla og Austurbæjarstkóla útskrifaðist úr Gagnfræðiskóla Austurbæjar árið 1950. Þá lauk hann kennaranámi fjórum árum síðan en árið 1961 fór hann með fjölskyldu sinni í nám við Kristniboðaskóla norska lútherska kristniboðssambandsins (NLM) á Fjellhaug í Osló til undirbúnings fyrir kristniboðsstörf í Eþíópíu.
Gísli kenndi við Ísaksskóla 1954-1955 að því er fram kemur í frétt mbl.is, sem og í Melaskóla 1955-1959. Gísli starfaði sem kristniboði í Konsó í Eþíópíu 1961-1972, með árshléi 1966. Árin 1972-76 vann hann á aðalskrifstofu Kristniboðssambandsins og KFUM & K sem þá var rekin að Amtmannsstíg 2b.
Árið 1976 hóf hann kennslu í hlutastarfi við Mýrarhúsaskóla á Seltjarnarnesi, samhliða hlutastarfi hjá Kristniboðssambandinu en frá 1985 og þar til hann fór á eftirlaun, kenndi hann við skólann í fullu starfi.
Útför Gísla fer fram frá Neskirkju mánudaginn 15. apríl kl. 13.