- Auglýsing -
Óvenjulegt mál kom upp hjá lögreglunni í nótt.
Í dagbók lögreglunnar á höfuðborgarsvæðinu er greint frá því að 15 ára gamalt barn hafi keyrt á göngustígum til flýja lögreglu í Garðabæ á 150 kílómetra hraða. Var bíllinn upphaflega stoppaður fyrir að sinna ekki stöðvunarmerkjum. Í bílnum var svo annað 15 ára barn. Voru bæði börnin handtekin. Haft var samband við foreldra beggja þegar komið var á lögreglustöðina.
Þá var einstaklingur handtekin fyrir að berja í bíla í miðbænum með barefli en á meðan því stóð var hann að öskra á fólk. Nokkrir bílar lentu því leiðindaatviki að sprengja dekk eftir að hafa ekið í holu. Lögreglan stöðvaði akstur við holuna og beið eftir að vegagerðin kæmi á svæðið.