Ekki eru allir sáttir með þá fjölmörgu frambjóðendur til forsetaembættis Íslands og hefur verið stofnað til meðmælasöfnunar á Ísland.is þar sem Guðni Th. Jóhannesson, forseti Íslands, er hvattur til að gefa aftur kost á sér en hann tilkynnti í nýársávarpi sínu að hann hafði ekki hug á að sækjast eftir endurkjöri.
Samkvæmt nýrri könnun sem Prósent gerði eru aðeins tveir frambjóðendur sem ná yfir 10 prósenta múrinn og eru það þau Baldur Þórhallsson og Halla Tómasdóttir og af þeim sem tóku afstöðu vildu 56 prósent Baldur sem forseta.
Guðni segist þó í dag vera sáttur með þá ákvörðun að hætta en útilokar þó ekki að bjóða sig fram aftur.
„Ég er fullkomlega sáttur við mína ákvörðun um að láta gott heita eftir átta ár í embætti en tek aðspurður fram að ef einhverjar ófyrirsjáanlegar aðstæður komi fram sé varhugavert að útiloka allt það sem gæti hugsanlega gerst,“ sagði Guðni við Vísi um málið.