- Auglýsing -
Gunnar Hrafn Jónsson, fjölmiðlamaður og fyrrum þingmaður Pírata segir að fordómar gegn andlegum kvillum hafi náð nýjum hæðum með nýrri Evrópureglugerð sem Icelandair mun fara eftir. Reglugerðin bannar flugáhafnarmeðlimum að taka ákveðin ADHD-lyf.
Gunnar Hrafn, sem hefur verið opinskár varðandi eigin andlegu veikindi, birti hlekk á Facebook að frétt Vísis um hinar nýju reglur sem Icelandair hefur tekið upp. Beitir hann kaldhæðni við að gagnrýna þetta og segist vona að þau banni næst blóðþrýstingslyf.
Færsluna má lesa hér að neðan:
„Fordómar gegn andlegum kvillum hafa náð nýjum hæðum (pun intended).
Það mun auðvitað stórauka öryggi farþega að vera með áhöfn sem er í fráhvörfum og getur ekki einbeitt sér. Vonandi banna þau næst blóðþrýstingslyf, það eru jú tveir flugmenn þannig að það er ekkert mál þó að annar sé í hjartastoppi.
Fordómarnir gagnvart andlegum veikindum vs. líkamlegum birtast manni daglega en sjaldan er það jafn fáránlega augljóst og í þessum fréttum.“