Gunnar Smári Egilsson, forsprakki Sósíalistaflokksins, hvetur Íslendinga til að sniðganga öll þau fyrirtæki sem eru í eigu fyrirtækisins Langisjór og þannig í eigu systkinanna Guðnýjar Eddu, Eggerts Árna, Halldórs Páls og Gunnars Þórs Gíslabarna og fjölskyldna þeirra. Ástæðan er sú að þau eiga líka leigufélagið Ölmu sem nýverið snarhækkaði húsleigu félagsins um 30 prósent.
„Þau vantar ekki pening, eru vellauðug. Öfugt við leigjendurna. Hér eru vörumerki sem fólk ætti að sniðganga ef því blöskrar 30% hækkun leigu hjá Ölmu leigufélagi, segir Gunnar Smári og birtir lista.yfir vörumerkin sem hann vill að Íslendingar sniðgangi:
Það fór allt á annan endan vegna fréttaa af því að húsaleiga Brynju Bjarnadóttur, sem er öryrki, hafi hækkað úr 250 þúsund krónum á mánuði og upp í 325 þúsund krónur með einu pennastriki. Hún leigir hjá Ölmu íbúðafélagi sem hagnaðist um rúma 12 milljarða í fyrra. Leigufélagið hefur sent frá sér yfirlýsingu þar sem húsaleiguhækkanirnar eru harmaðar en félagið ætlar ekki að tjá sig um mál Brynuu sérstaklega.
„Almennt reynir Alma að sýna viðskiptavinum sínum sveigjanleika ef aðstæður breytast, þó það takist ekki alltaf. Alma mun eftir fremsta megni reyna að halda þeim hækkunum í lágmarki. Þess ber þó að halda til haga að sú hækkun sem fjölmiðlar hafa fjallað um endurspeglar ekki almennt þær verðhækkanir sem Alma hefur þurft að ráðast í. Leiguverð íbúða og hækkanir miðast við stærð, staðsetningu og ástand, óháð því hver leigir þær,“ segir í tilkynningu félagsins.