Gunnar Smári Egilsson sósíalistaforingi er ansi harðorður í garð þingmanna Íslands í nýrri færslu á Facebook.
Í færslunni segir hann að það gæti vel verið að þingmenn séu einir og sér gáfað fólk en sem hópur sé „þingheimur einstaklega heimskur“. Segir hann það sjást vel á umræðunni þessa dagana.
„Það má vel vera að þingmenn séu almennt greint og gáfað fólk. En sem hópur er þingheimur einstaklega heimskur. Það sést á því að hvergi í okkur heimshluta ber almenningur minna traust til þjóðþingsins. Ástæðan ætti að vera öllum ljós af umræðunni þessa dagana.“
Færslan vakti lukku en fjölmargir hafa líkað við hana og þó nokkrir skrifuðu við hana athugasemdir. Einn þeirra var Björn nokkur: „Ertu að segja að ef að nýtt fólk þarna yrði ekki „jafn heimskt“?“
Þessu svaraði Gunnar Smári: „Það er mörg dæmi um heimska hópa sem halda áfram að vera heimskir þótt fólki sé skipt út. Margir vinnustaðir eru þannig, ósiðirnir erfast til nýrra starfsmanna.“