Gunnar Smári Egilsson skýtur föstum skotum á Katrínu Jakobsdóttur í færslu á Facebook.
Sósíalistaforinginn Gunnar Smári skrifaði stutta en sterka færslu á Facebook-vegg Sósíalistaflokksins í gær. Birtir hann í færslunni brot úr kosningaþætti Ríkissjónvarpsins árið 2016 en þar hneikslast Katrín Jakobsdóttir á því að um þriðjungur Íslendinga neiti sér um heilbrigðisþjónustu. Þá vitnar Gunnar Smári í könnun Vörðu um stöðu félagsfólks í verkalýðsfélgöum Alþýðusambandsins frá því á síðasta ári en þar kemur fram að rúmlega helmingur kvenna og tæpur helmingur karla hafi neitað sér um heilbrigðisþjónustu. „Hún hefur verið forsætisráðherra í á sjötta ár,“ skrifar Gunnar Smári í lok færslunar og á að sjálfsögðu við um Katrínu Jakobsdóttur.
„Úr könnun Vörðu um stöðu félagsfólks í verkalýðsfélögum Alþýðusambandsins frá í fyrra: „Ríflega helmingur kvenna og tæpur helmingur karla hefur neitað sér um heilbrigðisþjónustu og eru einstæðar mæður og feður sá hópur sem hvað tíðast hefur þurft að neita sér um heilbrigðisþjónustu.“
Hér að neðan er hluti af kosningaþætti Ríkissjónvarpsins fyrir kosningarnar 2016, ári áður en Katrín varð forsætisráðherra. Hún hefur verið forsætisráðherra í á sjötta ár.“
Þó nokkrir skrifuðu athugasemdir við færslu Gunnars Smára, þar á meðal Gyða nokkur: „Hún hefur skipt um karakter.“
Þá segir Gunnar nokkur: „Það fer um mann kuldahrollur“