Næsta sumar renna út samningar sex leikmanna hjá Everton. Liverpool Echo segir frá þessu og veltir því fyrir sér hverjir þeirra eigi framíð fyrir sig á Goodison Park. Gylfi Þór Sigurðsson er einn sexmenninganna.
Fotbolti.net segir frá málinu í dag. Þann 1. janúar mega þessir sex leikmenn eiga í samræðum við erlend félög um mögulegan samning.
Af þeim sex leikmönnum sem um ræðir kom helmingur þeirra til Everton á frjálsri sölu en alls kostuðu hinir þrír ríflega 80. milljónir punda, samanlagt.
Leikmennirnir eru þeir Andy Lonergan (38, markvörður), Asmir Begovic (34, markvörður), Cenk Tosun (30, sóknarmaður), Fabian Delph (32, miðvörður), Jonjoe Kenny (24, varnarmaður) og Gylfi Þór Sigurðsson (32, miðjumaður).
Liverpool Echo telur líklegast að allir nema markverðirnir verði látnir fara.
Í breska miðlinum segir að Gylfi Þór hafi kostað metfé eða 45 milljónir punda, þegar hann kom frá Swansea árið 2017. Hann hafi svo spilað 156 leiki með liðinu og skorað í þeim 31 mark. Telja þeir líklegt að hann verði látinn fara. Hefur hann ekki spilað á tímabilinu og ekki verið skráður í hópinn í úrvarlsdeildinni.
Gylfi Þór var eins og alþjóð veit, handtekinn í júlí á þessu ári, grunaður um kynferðisbrot gegn ólögráða einstaklingi en var svo sleppt gegn tryggingu í kjölfarið. Hefur hann haldið sig í íbúð sem Everton útvegaði honum og hefur fjölskylda hans á Íslandi verið með honum þar á árinu, honum til stuðnings. Annað er hægt að segja um eiginkonu Gylfa, Alexöndru Helgu Ívarsdóttur, sem fór til Íslands með nýfætt barn þeirra hjóna og býr þar nú, að minnsta kosti á meðan rannsókn stendur yfir.
Sjá einnig: Alexandra flutt út – Gylfi Þór vaktaður allan sólarhringinn