Hafsteinn nokkur varð steinhissa í síðustu heimsókn sinni í IKEA á Íslandi. Þar átti hann von á að lenda á góðri útsölu búðarinnar en þegar á staðinn var komið varð hann heldur skúffaður.
Hafsteinn segir frá upplifun sinni í fjölmennu samfélagi á Facebook, Vertu á verði – eftirlit með verðlagi. Þar bendir hann á að fataskápur búðarinnar var auglýstur með 2 prósenta afslætti, úr 64.500 krónum niður í 63.000:
„Ætla ekki allir að nýta sér útsölurnar í Ikea? Kosta kaup með RÚMLEGA 2% afslætti. Alveg magnað hvað þetta er lélegt.“
Fjölmagir meðlimir hópsins blanda sér í umræðuna og er óhætt að segja að flestir þeirra undrast þann afslátt sem IKEA bauð uppá þennan dag. Vigsteinn er einn þeirra. „Rausnarlegt Haha!!,“ segir hann.
Sandra er líka steinhissa. „Ég er búin að skoða held ég flest á þessari útsölu og God, þetta er mögulega lélegasta útsala Ikea fyrr og síðar,“ segir Sandra.