Hagsmunasamtök heimilanna fordæma Seðlabankann: „Heim­il­in sitja föst í gildrunni“

Hagsmunasamtök heimilanna fordæma Seðlabankann fyrir vaxtahækkun bankans.

Seðlabanki Íslands tilkynnti nú í morgun að ákveðið hefði verið að hækka vexti bankans um 0,5% og verða því meginvextir bankans 9,25%. Þetta gagnrýna Hagsmunasamtök heimilanna harðlega í nýrri tilkynningu.

„Verðtryggð lán veita ein­göngu tíma­bundið svika­skjól en það mun hverfa áður en langt um líður og þá munu tugþúsund­ir heim­ila standa á berangri, varn­ar­laus fyr­ir ásókn banka, sem eins og dæm­in sanna munu ekki hika við að hirða af þeim hús­næðið og senda þau á göt­una,“ seg­ir í til­kynn­ing­unni frá samtökunum. 

„Hags­muna­sam­tök heim­il­anna lýsa fullri ábyrgð á hend­ur þeim ein­stak­ling­um sem sitja í pen­inga­stefnu­nefnd og ráðherr­um í rík­is­stjórn Katrín­ar Jak­obs­dótt­ur, á skelfi­leg­um af­leiðing­um þess­ara aðgerða þegar skjól verðtrygg­ing­ar­inn­ar hverf­ur og heim­il­in sitja föst í gildrunni sem nú er verið að leggja fyr­ir þau.“