Hildur ætlar að ganga með barnið í þrjú ár: „Svo erfitt að fá leikskólapláss“

Hildur Björnsdóttir borgarfulltrúi Sjálfstæðisflokksins birti óléttumynd af sér á Twitter en gat ekki stillt sér um að skjóta fast á borgarstjórnina.

Í lok maí voru hátt í þúsund börn á biðlista eftir leikskólaplássi í Reykjavíkurborg. Margir hafa gagnrýnt meirihlutann harkalega, þar á meðal Sjálfstæðisflokkurinn sem hefur verið í minnihluta um nokkurt skeið í borginni.

Hildur, sem komin er á 41 viku meðgöngu, birti speglasjálfu á Twitter og skrifaði:

„41 vika. Spá í að geyma hana þarna til svona 3ja ára. Svo erfitt að fá leikskólapláss.“

🤰41 vika. Spá í að geyma hana þarna til svona 3ja ára. Svo erfitt að fá leikskólapláss. pic.twitter.com/LPyJv9DBUH

— Hildur Björnsdóttir (@hildurbjoss) June 9, 2023