Hjálmar Örn Jóhannsson er 49 ára verkamaður og skemmtikrafturbúsettur í Reykjavík. Hann er fjögurra barna barna faðir og einn fyndnasti núlifandi Íslendingurinn. Hjálmar er Neytandi vikunnar.
Gerir þú verðsamanburð á vörum og þjónustu?
Hef ekki gert það.
Hvernig sparar þú í matarinnkaupum?
Get ekki sagt að það sé minn sterkasti kostur að spara því miður.
Endurnýtir þú? Ertu með ráð til annarra?
Mæli með því fyrir fólk að endurnýta!
Hvað hefur þú í huga þegar þú kaupir mat, fatnað og gjafir?
Ég hlusta á fólk allt árið og kaupi svo eitthvað sem fólki langar í. Sem dæmi þá er Helgi Jean vinur minn í veseni með dósir og því fær hann frá mér dósatunnu þar sem hann getur sett dósirnar sínar í.
Hverju átt þú erfiðast með að draga úr kaupum á?
Tottenham-treyjum
Skiptir umhverfisvernd þig máli?
Já, ég sem dæmi tek alltaf plast með mér erlendis og hendi því þar.
Annað sem þú vilt taka fram?
Gerum betur við getum það!