Hjalti Einarsson, vélvirki og stofnandi VHE, lést á líknardeildinni í Kópavogi 3. febrúar síðastliðinn. Hjalti var 85 ára.
Mbl.is segir frá andláti Hjalta en hann fæddist 11. apríl árið 1938 á Siglufirði en hann ólst upp á Reyðará á Siglunesi. Hann var elstur fjögurra barna hjónanna Einars Ásgrímssonar, útvegsbóna á Reyðará og Unnar Stefánsdóttur húsfreyju, frá Hvammi í Hjaltadal.
Hjalti flutt í Hafnarfjörð 1963 og hóf vinnu í Vélstmiðju Hafnarfjarðar og öðlaðist svo meistararéttindi í vélvirkjun við Iðnskólann í Hafnarfirði. Árið 1971 stofnaði Hjalti, ásamt eiginkonu sinni, Kristjönu G. Jóhannesdóttur, Vélaverkstæði Hjalta Einarssonar. Fyrirtækið var lítið í upphafi en þegar mest lét störfuðu um 500 manns þar.
Árið 1998 dró Hjalti sig út úr rektrsi VHE en börn þeirra Kristjönu tóku við rekstrinum, sem síðar varð eii umsvifamesta fyrirtækið í þjónustu á sviði vélaviðgerða og vélsmíði.
Árið 2016 var Hjalti valinn iðnaðarmaður ársins fyrir frumkvöðlastarf sitt í vélvirkjanámi en til margra ára var hann prófdómari í Iðnskólanum í Hafnarfirði.
Þau Hjalti og Kristjana giftust í desemben 1963 en þau eignuðust þrjú börn, þau Unnar Stein, fæddur 1954, Hönnu Rúnu, fædd 1967 og Einar Þór, fæddur 1977. Þá eiga þau 11 barnabörn og fjögur langafabörn og eitt á leiðinni.
Útför Hjalta fer fram frá Hafnarfjarðarkirkju 21. febrúar nk. kl. 13.