Hjón sem fundust látin í Bolungarvík þann 27. maí létust eftir langvarandi veikindi að sögn lögreglu.
Eftir að hjónin fundust fór mikil rannsókn í gagn en stutt eftir það var tilkynnt að ekki hafi verið talið að andlát þeirra hafi borið að með saknæmum hætti. Nú hefur réttarlæknisfræðileg rannsókn á þeim farið og samkvæmt henni létust hjónin eftir langvarandi veikindi og rannsókninni sé nú lokið.
„Niðurstaða rannsóknar málsins er sú að andlát hjónanna er ekki talið hafa borið að með saknæmum hætti heldur var orsökin langvarandi veikindi þeirra beggja, sem ekki verður gerð frekari grein fyrir hér. Annar aðilanna hafði sést útivið nokkrum dögum áður en þau fundust látin á heimili sínu, en ekki var hægt að ákvarða nákvæman dánartíma,“ segir í tilkynningu frá lögreglu um málið.