Óskað var eftir aðstoð lögreglu vegna tjóns á minnst þemur bifreiðum eftir að þeim hafði verið ekið í holu á vegi í íbúðarhverfi í austurborginni. Haft var samband við veghaldara og honum gert að gera ráðstafanir.
Þá bárust ítrekaðar tilkynningar vegna tjóna á bifreiðum eftir að þeim hafði verið ekið í holur á stofnbraut í austurborginni. Um var að ræða nokkrar holur á kafla vegarins. Að minnsta kosti níu bifreiðar urðu fyrir tjóni á hjólbörðum og þurftu ökumenn því að skipta um hjólbarða til að halda för sinni áfram. Veghaldari upplýstur og gert að gera ráðstafanir.
Enn og aftur var óskað aðstoðar lögreglu og nú vegna hættuástands sem var sagt hafa skapast er fjölda bifreiða var ekið í holu í hringtorgi á stofnbraut í austurborginni. Reyndust einnig níu bifreiðar vera með skemmda hjólbarða og þurftu ökumenn að skipta um hjólbarða til að halda för sinni áfram. Veghaldari upplýstur og gert að gera ráðstafanir.