Verðlaunaleikstjórinn Friðrik Þór Friðriksson var laminn í bænum árið 2004.
Slagsmál í miðbæ Reykjavíkur eru því miður tíð en það er ekki oft sem átta menn ráðast á einn, hvað þá verðlaunaleikstjóra á borð Friðrik Þór Friðriksson. Slíkt gerðist þó árið 2004 og fjallaði DV ítarlega um málið.
„Ég var eitthvað að munnhöggvast við Jón Ólafsson, fyrrum steypustöðvareiganda, sem lét öllum illum látum og var í kjölfarið hent út. Hann taldi sig eiga eitthvað sökótt við mann sem var þarna inni og hringdi út þessa menn sem komu,“ sagði Friðrik í viðtali við DV um málið en hann sagðist hafa augnbeinsbrotnað í árásinni.
„Ég þekki þann sem kýldi mig ekki neitt,“ sagði Friðrik Þór um hvort hann hafi þekkt slagsmálahundinn. „Ég fékk bara þungt högg og rotaðist við það.“. Þrátt fyrir mikinn fjölda vitni þorði enginn þeirra að tjá sig við DV.
„Dyraverðirnir gátu ekkert gert enda var þarna átta manna hópur sem mætti gagngert til að hefna fyrir Jón,“ sagði Friðrik og ætlaði hann að kæra málið til lögreglu. „Já, ég kæri þetta. Það þarf að stoppa svona menn.“
Jón Ólafsson sagði í samtali við DV að hann hafi ekki borðið ábyrgð á þessum mönnum.