Svo virðist sem Matvælaeftirlitið hafi brugðist búfénaði á ónefndum bóndabæ í Skagafirði með því að grípa ekki inn í slæma meðferð og aðstöðu dýranna. Frá þessu segja Dýraverndunarsamband Íslands (DÍS).
DÍS barst ábending um búfénað í vanhöldum í Skagafirði og segir frá því á heimasíðu sinni nú fyrir stundu. Mannlíf hefur undir höndum ljósmyndir af búfénaðinum. Í tilkynningu DÍS segir að ástandið á dýrunum sé afar slæmt sem og aðbúnaður þeirra en þau eru oruð og vaða mykju upp að hnjám. Þar segir einnig að það hafi verið örþrifaráð manneskjunnar sem benti á málið, að hafa samband við DÍS vegna málsins, í von um að það verði til þess að gert verði eitthvað í málinu.
DÍS hafði samband við Mast í síðustu viku vegna málsins og óskaði eftir samstundis úrbóta. Stofnunin svaraði því til að í nóvember hefði hún farið á vettvang vegna ábendingar en ekki skráð hjá sér nein frávik varðandi aðbúnað dýranna. Þá hafi aðbúnaður einnig verið athugaður í desember án frávika.
Ljósmyndir sem Mannlíf hefur undir höndum og sýnir hér fyrir neðan voru hins vegar teknar viku eftir eftirlitsheimsókn Mast en manneskjan sem tók þær vill ekki koma fram undir nafni.
