„Hugboð. Mér finnst eins og það sé verið að koma upp nýtt mál varðandi Sigmund og einhverja kellingu, mjög hneykslað, verður til þess að hann neyðist til að hætta.“
Svo hljóðaði spádómur Láru Ólafsdóttur sjáanda sem hún birtir á Facebook en hefur nú eytt. Hún hefur átt í vök að verjast vegna spádómsins en sumum teljar hana hafa farið yfir strikið með þessum spádómi.
Margir kannast við Láru úr útvarpinu en hún hefur yfir árin verið tíður gestur bæði í Harmageddon og Útvarp Sögu. Þetta er ekki í fyrsta skiptið sem Lára spáir hneyksli í kringum Sigmund, því líkt og Hringbraut greindi frá fyrir tveimur árum þá féll álíka spádómur í Harmageddon.
Líkt og fyrr segir hlaut Lára nokkra gagnrýni fyrir þetta hugboð. Dæmi um það er kona nokkur sem skrifar á vegg Láru: „Lára mín, það er bara þegar þú nafngreinir fólk í hugboðum þínum sem fólk gerir athugasemdir við það, það þykir ekki gott og líka tillitsleysi. Ef þú lítur í eigin barm þá skilur þú það því að öll erum við viðkvæm og misjafnt hvað við höfum þurft að þola. Eina sem þú þarft að gera er að sleppa nöfnum.“
Lára reynir að verja spádóminn um Sigmund og skrifar fyrr í dag: „Það er alveg ótrúlegt hvernig sumt getur verið. Get ég eitthvað af því gert þo ég finni suma hluti á mér og skrifa það hér þá þarf alltaf einhver að skammast vegna þess að fólk miskilur alltaf allt sem ég tala um og segir það gróft, hugboð er bara hugboð.“
Svo nú í kvöld birtir Lára myndband þar sem hún útskýrir sína hlið á þessum spádómi. Það má horfa á hér.