- Auglýsing -
Þyrla Landhelgisgæslunnar hefur verið kölluð út eftir að lögreglunni á Vestfjörðum barst tilkynning um að hvítabjörn hafi gengið á land á Höfðaströn í Jökulfjörðum.
Í tilkynningu lögreglunnar á Vestfjörðum kemur fram að hún hafi, að höfðu samráði við Umhverfisstofnun, kallað út þyrlu Gæslunnar auk þess sem björgunarbáturinn Kobbi Láka var sendur af stað með tvo lögreglumenn frá Ísafirði. Ætlunin er að tryggja öryggi þess fólks sem kann að vera á svæðinu segir í tilkynningunni.
Fólk sem er á svæðinu er hvatt til þess að halda sig innandyra og hafa varann á sér þar til lögreglan hefur gefið út frekari tilkynningar.
UPPFÆRT KLUKKAN 16:11:
Lögreglumenn og séraðgerðasveit Landhelgisgæslunnar felldu dýrið.