Sveinn nokkur deilir myndinni sem sjá má hér fyrir ofan innan Facebook-hópsins Fávitavarpið í Meradölum, en tilgangur hópsins er að gagnrýna og jafnframt hæðast að hegðun fólks við gosið. Hvort tveggja gerir Sveinn en hann skrifar: „Þetta er það nýjasta hiking sandalar, kemst allt á þessum“.
Að marka viðbrögð við færslunni þá deila margir hneykslun Sveins á þessum óvenju illa skædda ferðalangi. Enda ætti öllum að vera ljóst að sandalar henta mjög illa í 14 kílómetra göngu um torfært svæði. Flestir gera grín að manninum, líkt og einn sem skrifar: „vantar bara baðsloppinn!“ Kona nokkur tekur í sama streng: „Þetta er skilgreiningin að vera hálfbúinn í gönguna…hann er alla vegana með bakpoka.“ Önnur kona segir svo: „Nei, hættu nú alveg!“
Ein og ein veltir fyrir sér hvort þetta sé endilega svo slæmt. „En. Hann náði alla leið? Og til baka? Kannski. Bara kannski. Er fólk að ofmeta búnaðinn aaaðeins. Ég er ekki að segja að þetta sé sniðugt. En…kannski er þetta bara ekki jafn heimskt og fólk heldur,“ skrifar einn.
Svo er einn sem er ómyrkur í máli og skrifar: „Djöfull er þetta hræðilega heimskur maður.“ Þessu svarar fyrrnefndur Sveinn og deilir nýjust tíðindum af manninum. „Nei, hann er ekki heimskur enda gafst hann upp á þessu bulli og tók þetta bara berfættur,“ skrifar Sveinn