- Auglýsing -
Þrír aðilar voru í dag í Héraðsdómi Reykjavíkur úrskurðaðir í fjögurra vikna áframhaldandi gæsluvarðhald, eða til 14. september, í þágu rannsóknar lögreglu á innflutningi á miklu magni af fíkniefnum. Einn til viðbótar sat í gæsluvarðhaldi vegna málsins, en sá hefur verið færður í afplánun vegna annarra mála.
Um er að ræða tæplega 100 kg af kókaíni sem var falið í vörusendingu á leið til landsins. Málið er tilkomið vegna frumkvæðisrannsókna á skipulagðri brotastarfsemi og miðar rannsókn þess vel.
Ekki er hægt að veita frekari upplýsingar um málið að svo stöddu.