Lögreglan á höfuðborgarsvæðinu og Interpol lýsir eftir íslenskum karlmanni.
Tilkynning birtist nú fyrir stundu á Facebook-síðu lögreglunnar á höfuðborgarsvæðinu þar sem sagt er frá því að Interpol lýsi er eftir Stefáni Ingimar Koeppen Brynjarssyni, 48 ára, að beiðni íslensku lögreglunnar. Er hann eftirlýstur vegna rannsókna á innflutningi og dreifingu fíkniefna.
Hér má sjá tilkynninguna:
„Lögreglan á höfuðborgarsvæðinu vekur athygli á eftirlýsingu á heimasíðu Interpol þar sem lýst er eftir íslenskum karlmanni, Stefáni Ingimar Koeppen Brynjarssyni, 48 ára. Eftirlýsingin er birt að beiðni Lögreglunnar á höfuðborgarsvæðinu og er tilkomin vegna rannsóknar á innflutningi og dreifingu fíkniefna.
Þau sem geta veitt upplýsingar um Stefán Ingimar Koeppen Brynjarsson, ferðir hans eða dvalarstað, eru vinsamlegast beðin um að hafa samband við lögreglu í síma 444 1000, en upplýsingum má einnig koma á framfæri i tölvupósti á netfangið [email protected]“
