Ívar Haukur er fallinn frá

Ívar Haukur Jónsson, lögfræðingur og fyrrverandi ritstjóri, er fallinn frá en hann var 97 ára gamall. Mbl.is greini frá andláti Ívars.

Ívar fæddist árið 1927 í Reykjavík og gekk í Austurbæjarskóla og síðar Gagnfræðiskóla Reykvíkinga. Hann lauk stúdentsprófi frá MR árið 1947 og fór svo í Háskóla Íslands að læra lögfræði.

Stuttu eftir útskrift í HÍ byrjaði Ívar að vinna sem blaðamaður hjá Þjóðviljanum og stafaði þar í 18 ár og var meðal annars ritstjóri blaðsins frá 1963 til 1971. Síðan tók hann við starfi skrifstofustjóra og fjármálafulltrúa Þjóðleikhússins og vann þar til 1997.

Ívar sat lengi í stjórn Blaðamannafélags Íslands en hann var mjög virtur innan stéttarinnar. Þá var hann einnig formaður MÍR frá 1974 til 2016 en félagið á efla menningartengsl Íslands við Rússland og skipulagði Ívar reglulega hópferðir til Sovétríkjanna sem voru farnar á vegum félagsins.

Ívar lætur eftir sig eiginkonu, tvö börn, þrjú barnabörn og fimm barnabarnabörn.