Dyravörðurinn Jón Pétur Vágseið er einn þeirra sem fór ásamt fylkingu 27 hettuklæddra hnífamanna inn á skemmtistaðinn Bankastræti Club aðfararnótt föstudagsins síðastliðinn. Þrír menn slösuðust alvarlega í hnífaárásinni eftir að hafa verið margstungnir. Engar heimildir eru fyrir því að Jón hafi beitt vopni í átökunum. Hann var samkvæmt heimildum Mannlífs, ekki inni í því herbergi þar sem árásirnar áttu sér stað.
Sjá einnig: Þessir þrír voru stungnir á Bankastræti Club – „Þetta eru bara skíthælar“
Líkt og Mannlíf greindi frá réðist 27 manna hnífaher, sem huldi höfuð sín, á þrjá menn um tvítugt á Bankastræti Club. Þremenningarnir særðust alvarlega í hnífaárásinni en eru ekki taldir í lífshættu. Hótanir höfðu gengi á milli mannanna á samfélagsmiðlum fyrir árásina.
Eftir því sem Mannlíf kemst næst er Jón Pétur um þrítugt og rekur fyrirtæki sem býður dyravörslu á skemmtistöðum, á viðburðum og hátíðum se, og í einkasamkvæmum. Hann er nokkuð eldri en flestir hnífamannanna sem með honum voru í för þetta kvöld. Engar heimildir eru þó fyrir því að Jón hafi beitt vopni þetta kvöld.
21 hefur verið handtekinn í tengslum við málið, tólf sitja í gæsluvarðhaldi en lögregla á enn eftir að taka ákvörðum um hvort farið verði fram á gæsluvarðhald yfir þremur. Hinum hefur verið sleppt úr haldi og fimm til sex manna er enn leitað vegna árásarinnar. Þá hafa fjölskyldumeðlimir hinna grunuðu árásarmannanna sætt stöðugum hótunum og árásum síðan og einhverjir hafa flúið út á land vegna ástandsins.
Sjá einnig: Margstunginn á Bankastræti Club og sendir kveðju frá sjúkrabeði: „Nokkrar stungur, ekkert stress!“
„Þegar ég stend upp þá sé ég bara að það er einhver bútur út úr bakinu mínu – bara hangandi út og þá fattaði ég að ég hefði verið stunginn,“ segir Lúkas Geir, einn þeirra þriggja gesta sem stungnir voru á skemmtistaðnum Bankastræti Club fyrir helgi.
Lúkas og félagi hans, John Sebastian eru enn á sjúkrahúsi vegna áverka sem þeir hluti í árásinni. Vinur þeirra, ungur drengur sem kallar sig Luffro, var líka stunginn. Þrátt fyrir að 27 árásarmenn hafi ráðist að honum með hnífum virðist hann hvergi banginn í kveðju sem hann sendir frá sjúkrabeðinu og birti á samfélagsmiðlum:
„27 að ráðast á 3 og við erum enn labbandi. Nokkrar stungur, ekkert stress.“
„Svo bara kemur hópur af grímuklæddum mönnum bara rushar á okkur. Við héldum að þetta væru svona fimmtán þangað til lögreglan bara sagði við okkur: Svo kemur í ljós að þeir voru 27. Ég held þeir séu bara jealous því við erum með mikla athygli á okkur,“ segir Lúkas og bætir við:
Sjá einnig: Birgitta Líf opnar sig um hnífaárásina í nótt: „Þökkum Guði að ekki fór verr“
„Ég get sagt þér það að þessir drengir eru búnir að vera með stríð við okkur í svolítið góðan tíma. Því þeir vilja vera mennirnir. Þeir þurfa að vera 27 saman til að ná okkur þremur. Þetta eru bara skíthælar. Við vorum bara á latino-kvöldi.“
Hinir særðu eru góðvinir Gabríel Douane Boama, sem strauk úr Héraðsdómi Reykjavíkur fyrr á árinu. Afplánar Gabríel nú dóminn í fangelsinu á Hólmsheiði en var hann fyrr á árinu dæmdur í átján mánaða fangelsi. Dómurinn var vegna endurtekna líkamsárása, þjófnaðar, fíkniefnalagabrots og brot gegn valdstjórninni.