Jón Magnússon, hæstaréttarlögmaður og fyrrverandi Alþingismaður fyrir Sjálfstæðisflokkinn og Frjálslynda flokkinn, segir á Facebook að betur má ef duga skal ef Katrín Jakobsdóttir forsætisráðherra vill henda öllum flóttamönnum úr landi. Hann segist ánægður með að þeim sé hent úr landi en verra ef þeir fái svo að koma aftur. Það mæti jafnvel segja að aðgerðir Katrínar og ríkisstjórnarinnar séu vatn á myllu Jóns.
Jón segir mesta ofbeldið í þessu öllu vera framið af flóttamönnunum, þeir séu að beita flóttamenn ofbeldi með því að vera hér á landi. „Ólöglegir innflytjendur eru hérna ólöglega. Það er ofbeldi gagnvart skattgreiðendum að þeir þurfi að borga milljarða á ári vegna ólöglegra innflytjenda, sem síðan neita að fara úr landi þó þeim hafi verið vikið í burtu og hvílíkt ofbeldi að ég og þú skattgreiðandi góður skulum þurfa vegna ofbeldis ríkisstjórnarinnar í þágu innrásarliðsins, að borga áfram fæði og uppihald, læknisþjónustu o.s.frv. fyrir þetta lið. RÚV talar aldrei um ofbeldið gagnvart okkur,“ segir Jón á Facebook og bætir við að lokum:
„Það er síðan til að kóróna allt ofbeldið, að ólöglegir innflytjendur sem fluttir eru úr landi skuli nokkrum dögum síðar spranga um götur Reykjavíkur á framfærslu skattgreiðenda. Svo segir Katrín Jakobsdóttir að hún viti ekki um að ofbeldi tíðkist á hennar vakt sem forsætiráðherra.“