Vítalía Lazareva getur nú um frjálst höfuð strokið þar sem héraðssaksóknari hefur fellt niður kæru á hendur henni en hún var sökum um tilraun til fjárkúgunar á hendur þeim Ara Edwald, Þórði Má Jóhannessyni og Hreggviði Jónssyni. Rúv hefur þetta eftir lögmanni Vítalíu.
Þrímenningarnir kærðu Vítalíu fyrir tilraun til fjárkúgunar, hótanir og brot gegn friðhelgi einkalífsins en Arnar Grant, einkaþjálfari þeirra og fyrrum ástmaður Vítalíu, var aukreitis kærður fyrir aðild að málinu og hafði réttarstöðu sakbornings.
Málið kom upp eftir að Vítalía kærði mennina þrjá fyrir kynferðisbrot sem átti að hafa gerst í sumarbústaðaferð í Skorradalnum en héraðssaksóknari felldi það mál niður nýlega. Hún hefur kært þá ákvörðun.
Eftir að Vítalía sagði frá meintum brotum mannanna í hlaðvarpsþættinum Eigin Konur, létu þeir allir af störfum.
Ekki náðist í Vítalíu við gerð fréttarinnar.