Handknattleikskappinn Kári Kristján Kristjánsson greindist með æxli í baki árið 2012. Segir hann hreyfingu hafa bjargað geðheilsu hans.
Átakið Mottumars er í fullum gangi en þar eru karlmenn hvattir til að fara í krabbameinsleit reglulega. Í einu af kynningarmyndböndum átaksins segir Kári Kristján Kristjánsson frá því hvernig hreyfing, í hans tilfelli handboltinn, hafi bjargað geðheilsu hans þegar hann greindist með krabbamein í baki árið 2012. Hann er enn með æxlið, fer reglulega í skoðun og passar sig að hreyfa sig en hann segir það vera frí frá áhyggjum.
„Þetta gengur í stigum að þú verður hræddur og heldur að þú sért bara að fara að deyja og þú veist ekki neitt og í þessu ferli ertu kannski ekkert alltaf til í að vera að segja frá og alltaf að vera að tala um þetta,“ segir Kári í myndskeiðinu og heldur áfram: „Hreyfing eða íþróttin mín handbolti í þessu tilviki, ég myndi segja að það bjargaði eiginlega mjög stórum hluta af því að bara halda geðheilsunni, að geta einfaldlega fengið sér bara frí frá áhyggjum.“
Þá segir hann í lokin að hann vilji taka ábyrgð á eigin heilsu og ekki vera varamaður í eigin lífi.
Hægt er að kaupa Mottumars sokkana hér.
Hér má sjá myndskeiðið: