Karlmaður lést í eldsvoða í Hafnarfirði

Karl­maður lést í húsbíl sínum við Lónsbraut í Hafnarfirði snemma í morgun. Bíllinn var alelda þegar komið var á vettvang. Hinn látni var einn í bílnum.

Þetta kemur fram í tilkynningu frá lögreglunni á höfuðborgarsvæðinu. Lög­reglu barst til­kynning um klukkan sex í morgun um elds­voða og voru lög­regla og slökkvi­lið strax kölluð út á svæðið.

Tækni­deild lög­reglu annast vett­vangs­rann­sókn til að komast að upp­tökum eldsins. Lög­regla veitir ekki frekar upp­lýsingar að svo stöddu.