- Auglýsing -
Stefnu hóps foreldra sem eiga börn á Drafnarsteini í Reykjavík, Holti í Reykjanesbæ, Ársölum á Sauðárkróki og leikskóla Seltjarnarness gegn Kennarasambandi Íslands og Félagi leikskólakennara hefur verið vísað frá af Héraðsdómi Reykjavíkur.
Foreldrarnir vildu meina að verkfallsaðgerðir kennara í fyrra hafi verið ólöglegar og vildu fá úr því skorið hjá héraðsdómi en farið var í ótímabundið verkfall á fyrrnefndum leikskólum. Þá vildu foreldrar að bótaskylda KÍ og FL gagnvart þeim yrði viðurkennd. Málið fékk flýtimeðferð hjá héraðsdómi en aðalmeðferð þess var á miðvikudaginn.
Félögin voru bæði sýknuð en þurfa málsaðilar að greiða eigin málskostnað.