Blaðamenn Kjarnans, Þórður Snær Júlíusson og Arnar Þór Ingólfsson, krefjast hvor um sig 1,5 milljóna króna frá Páli Vilhjálmssyni, umdeilds framhaldsskólakennara og bloggara, fyrir það sem þeir telja ærumeiðandi ummæli á bloggi hans. Auk þess fara þeir fram á að tvö ummæli verði dæmd dauð og ómerk. Málið var tekið fyrir í Héraðsdómi Reykjavíkur í gær en Fréttablaðið greinir frá hvað fór þar fram.
Enginn þeirra þriggja mætti í réttarsal í gær. Þjóðþekktir lögmenn á þeirra snærum gerðu það þó. Sigurður G. Guðjónsson er verjandi Páls meðan Vilhjálms H. Vilhjálmssonar er lögmaður Kjarnamanna. Dómari reyndi að kanna hvort nokkur möguleiki væri á sátt en því svaraði Sigurður: „Ég held að það sé borin von.“
Páll hefur sakað Þórð og Arnar, auk fleiri, um að hafa komið að því að byrla Pál Steingrímssyni, skiptstjóra og „skæruliða“ Samherja, ólyfan. Upplýsingum úr síma hans var lekið í fjölmiðla en Þórður og Arnar segjast hvergi hafa komið nærri því að eitra fyrir Páli skipstjóra. Þeir segja að Páll bloggari hafi með þessu verið að væna þá um hegningarlagabrot.