Malaga-fanginn fyrrverandi, Kristján Einar Sigurbjörnsson eða Kleini eins og hann kallar sig er nú um mundir ein umtalaðasta manneskja landsins. Hefur hann vart fengið stundarfrið frá fjölmiðlum síðan hann kom aftur til landsins eftir 8 mánaða fangelsisdvöl á Spáni.
Kleini, sem sat inni fyrir þrjár alvarlegar líkamsárásir er lentur á Íslandi og er með hreint út sagt ótrúlegar sögur að segja frá. Meðal þess sem hann segist hafa lent í er hann dvaldi í fangelsinu í Malaga voru hnífsstungur en furðuðu sig margir á saumaleysinu er hann sýndi alþjóð stungusárin. Þá sagðist hann hafa orðið vitni að morði og nauðgunum sem og uppreisn samfanga sinna.
Sjá einnig: Kristján Einar handtekinn fyrir þrjár alvarlegar líkamsárásir – Situr í fangelsi í Malaga
Sjá einnig: Varð Kleini vitni að morði í Malaga-fangelsinu? – Spænskir miðlar þöglir sem gröfin
Í dag birti frægasti fangi Íslands spegla-ljósmynd af sér á Instagram þar sem hann stillir sér upp inni á klósetti í fínum fötum og skrifar „Svara skilaboðum við tækifæri“ og bætir við hjarta. Það er því nokkuð ljóst að Kleini verði næstu vikurnar að svara skilaboðum frá fólki sem vill ná af honum tali.
Ljósmynd: Instagram-skjáskot