- Auglýsing -
Kona á sextugsaldri fannst látin í bíl við hús í Laugardal í gærmorgun. Tveir karlmenn hafa verið handteknir, grunaðir um að tengjast andláti konunnar.
Tilkynning barst um látna konu á sextugsaldri í bifreið við hús í Laugardalnum um hálf ellefuleytið. Voru tveir karlmenn á fimmtugsaldri handteknir í þágu rannsóknarinnar. Hafa þeir verið úrskurðaðir í gæsluvarðhald til fimmtudagsins 13. október næstkomandi. Er rannsókn málsins á frumstigi en beinist hún meðal annars að því hvort mennirnir tveir hafi átt þátt í andláti konunnar.
Ekki getur lögreglan veitt frekari upplýsingar að svo stöddu.