- Auglýsing -
Dýraverndarsamtök óska eftir tafarlausum stuðningi yfirvalda við að bjarga dýrum í Grindavík.
Dýraverndarsamband Íslands ásamt nokkrum öðrum dýraverndarfélögum, sendu frá sér yfirlýsingu í dag þar sem farið er fram á að dýrum verði bjargað í Grindavík og nágrenni í dag. „Unnin hefur verið aðgerðaráætlun af hálfu Dýrfinnu, Dýrahjálpar Íslands, Villikatta og Kattholts þar sem staðsetning dýra sem eru á svæðinu hefur verið kortlögð,“ segir í yfirlýsingunni. „Sjálfboðaliðar eru nú tilbúnir við Grindavík, með bæði mannskap, bíla og búr til að sækja dýrin sem eru í neyð. Þegar eru dýr orðin matar- og vatnslaus á svæðinu og þarf að bregðast við strax.“
Óska dýraverndarfélögin eftir tafarlausum stuðningi yfirvalda við björgun dýranna. Yfirlýsinguna má lesa hér fyrir neðan:
Yfirlýsing dýraverndarfélaga vegna dýra í Grindavík
Dýraverndarsamband Íslands, Dýrfinna, Dýrahjálp Íslands, Kattholt, Villikettir og Villikanínur fara fram á að dýrum verði bjargað í Grindavík og nágrenni í dag. Ljóst að enn er mikill fjöldi dýra á svæðinu sem er á neyðarstigi. Unnin hefur verið aðgerðaráætlun af hálfu Dýrfinnu, Dýrahjálpar Íslands, Villikatta og Kattholts þar sem staðsetning dýra sem eru á svæðinu hefur verið kortlögð.
Sjálfboðaliðar eru nú tilbúnir við Grindavík, með bæði mannskap, bíla og búr til að sækja dýrin sem eru í neyð. Þegar eru dýr orðin matar- og vatnslaus á svæðinu og þarf að bregðast við strax.
Dýraverndarfélögin óska eftir tafarlausum stuðningi yfirvalda við að bjarga dýrum í Grindavík. Flytja þarf ÖLL dýr burt af svæðinu.
Nánari upplýsingar hjá Dýrfinnu – 8425460