Kristinn Már Stefánsson, fyrrverandi landsliðsmaður og landsliðsþjálfari í körfubolta, er látinn. Hann var 79 ára gamall en Morgunblaðið greinir frá þessu.
Kristinn fæddist árið 1945 og ólst upp í Vesturbænum. Eftir nám í Melaskóla, Hagaskóla og Verzlunarskóla Íslands starfaði hann sem bókari nánast alla starfsævi sína. Kristinn er þó þekktastur fyrir íþróttaafrek sína en hann var gallharður KR-ingur og var fimmfaldur Íslands- og bikarmeistari með félaginu og lék yfir 300 fyrir félagið. Þá spilaði hann 34 landsleiki fyrir Íslands.
Þegar keppnisferlinum lauk þjálfaði Kristinn íslenska karlalandsliðið og KR. Þá sat hann einnig í stjórn KR og KKÍ en var einnig um tíma gjaldkeri sambandsins.
Kristinn lætur eftir sig þrjú börn, níu barnabörn og eitt barnabarnabarn.