„Keypti peru í framljós á bílnum mínum í N1 á 3.990 kr, samskonar pera kostar 1.495 í Byko,“ segir Kristín nokkur í Facebook-hópnum „Vertu á verði – eftirlit með verðlagi“.
Um er að ræða Osram H11 12V 55W-peru.
Þeir neytendur sem hafa skrifað athugasemdir við færsluna eru almennt afar óánægðir með verðlagningu hjá N1.
„Enginn ætti að kaupa annað en bensín á N1 og sambærilegu því álagningin er svakaleg hjá þeim,“ segir Jóhann.
„Enginn ætti að versla við N1, okrið er rosalegt þar,“ segir Stefán.
Heiðar tekur undir: „Þumalputtaregla nr. 01. Aldrei versla við N1.“
„Það er líka sniðugt að kaupa t.d. í Bílanaust og biðja um alveg eins peru í „ódýru“ umbúðunum, eða það sem þeir eru yfirleitt með úr augsýn bak við afgreiðsluborðið. Alveg sömu perur og eru í fancy umbúðunum í rekkanum fram í búð,“ segir Kristinn.
Einar mælir með Wurtz:
„600 hjá Wurtz. Ég var að væla í trukkabílstjóra yfir því hvað H7 perur endast illa. Hann sagði að ég keypti þær ekki á réttum stað, ég ætti að kaupa þær hjá Wurtz. Ég gerði það og þær hafa dugað vel hjá mér.“