KSÍ vill að ríkið hjálpi með greiðslu.
Hitapylsan sem KSÍ hefur notað undanfarnar vikur til að halda Laugardalsvelli nothæfum hefur verið skilað en KSÍ tók hana á leigu frá bresku fyrirtæki. Nú er ljóst ekki verða leiknir fleiri leikir á Laugardalsvelli á næstunni og því óþarfi að halda áfram að leigja pylsuna. Talið er að leigan á hitapylsunni muni kosti einhversstaðar á milli 40 til 45 milljónir króna. KSÍ hefur óskað eftir því að íslenski ríkið aðstoði við að greiða leiguna á pylsunni.
„Við búum við nýjan veruleika í knattspyrnunni í Evrópu, þar á meðal hér á landi. UEFA (Knattspyrnusamband Evrópu) hefur lengt mótin og nú er svo komið að reikna þarf með að hægt sé að leika knattspyrnu allt árið um kring.
Á þetta við um A landslið og félagslið, karla og kvenna. Auðvitað viljum við fara í framkvæmdir og nota fjármuni í það, frekar en leigu en það náðist ekki í haust og því var hitapylsan það eina sem hægt var að gera,“ skrifaði Vanda Sigurðardóttir, formaður KSÍ, í umsókn sem send var inn til Fjárlaganefndar Alþingis.
„Við erum þess einnig fullviss að ekkert sérsamband hér á landi hafi þurft að greiða tugi milljóna til þess að gera Þjóðarhöll/Þjóðarleikvang leikfæran. Það er ekki réttlátt að KSÍ þurfi að gera það, eitt sérsambanda.“