Safnast hafa 30. milljónir í landssöfnun fyrir Palestínu og eru nú tugir einstaklingar á leiðinni frá Gaza til Íslands.
Fréttatilkynning birtist í dag frá Solaris hjálparsamtökunum og öðrum sem staðið hafa fyrir landssöfnun svo hægt væri að bjarga lífi Palestínumanna sem hafa þegar fengið samþykkta fjölskyldusameiningu hér á landi. Kemur þar fram að síðan landssöfnun hófst svo hægt væri að senda sjálfboðaliða til Egyptalands, til að sækja þá Gaza-búa sem eru komin með dvalarleyfi á Íslandi en ríkisstjórn Katrínar Jakobsdóttur hefur ekki tekist að gera, hafa safnast alls um 30. milljónir. Ennfremur kemur fram að nú séu tugir Palestínumanna á leið frá Gaza til Íslands. Peningurinn kemur frá um 3.000 einstaklingum auk fyrirtækjum og félagasamtökum.
Nú þegar hafa íslenskir sjálfboðaliðar komið sex börnum og mæðrum þeirra til Íslands og 12 til viðbótar út af Gaza. Von er á 17 einstaklingum yfir landamærin næstu daga en langflest eru alvarlega veik og særð börn. Fram kemur í fréttatilkynningunni að nú liggi á að sæka þau sem eftir eru áður en Ramadan hefst 10. mars. „Gefið hefur verið út af ísraelskum stjórnvöldum að lokahnykkurinn í þjóðhreinsuninni á Gaza muni eiga sér stað á þessum helgasta tíma múslima. Við biðlum því til allra sem geta að leggja söfnuninni lið. Tíminn er naumur og við höfum sýnt það og sannað að með sameiginlegu átaki getur íslenska þjóðin lyft grettistaki og sótt þau sem eftir eru. Hópurinn sem eftir er samanstendur af 32 mæðrum, 49 börnum og 9 feðrum og safna þarf 25. milljónum til viðbótar til þess að koma þeim heim!“
Tekið er fram í tilkynningunni að ekki sé kostur á öðru en að halda söfnuninni áfram þar sem enn sé óvíst hvort ríkisstjórn Íslands muni gera eitthvað í málinu, því haldi sjálfboðaliðsstarfið áfram.
Hér fyrir neðan má lesa fréttatilkynninguna í heild sinni:
Reykjavík, 25. febrúar 2024
30.milljónum safnað í landssöfnun fyrir Palestínu – tugir einstaklinga á leiðinni frá Gaza til Íslands!
Frá því að landssöfnun fyrir Palestínu hófst þann 7. febrúar s.l. hafa 3.000 einstaklingar ásamt fyrirtækjum og félagasamtökum lagt til rúmar 30.000.000 kr. til þess að koma fólkinu okkar heim frá Gaza, fólkinu sem hefur fengið dvalarleyfi á Íslandi á grundvelli fjölskyldusameiningar en íslensk stjórnvöld hafa ekki aðstoðað við að komast út af Gaza. Nú þegar hafa íslenskir sjálfboðaliðar, með söfnunarfénu, komið sex börnum og mæðrum þeirra til Íslands og 12 einstaklingum til viðbótar út af Gaza. Þá er von á 17 einstaklingum yfir landamærin á næstu dögum. Langflest eru alvarlega veik og særð börn.
En betur má ef duga skal og nú ríður á að sækja þau sem eftir eru áður en Ramadan hefst þann 10. mars. Gefið hefur verið út af ísraelskum stjórnvöldum að lokahnykkurinn í þjóðhreinsuninni á Gaza muni eiga sér stað á þessum helgasta tíma múslima. Við biðlum því til allra sem geta að leggja söfnuninni lið. Tíminn er naumur og við höfum sýnt það og sannað að með sameiginlegu átaki getur íslenska þjóðin lyft grettistaki og sótt þau sem eftir eru. Hópurinn sem eftir er samanstendur af 32 mæðrum, 49 börnum og 9 feðrum og safna þarf 25. milljónum til viðbótar til þess að koma þeim heim!
Þegar ljóst var í byrjun febrúar að hægt væri að koma fólki úr bráðri lífshættu á Rafah, án aðkomu íslenskra stjórnvalda, var sett af stað landssöfnun fyrir Palestínu. Söfnunin var nauðsynleg í ljósi þess að verkefnið er kostnaðarsamt án aðkomu stjórnvalda, en gera má ráð fyrir því að það kosti um 60 milljónir að koma þeim rúmlega 100 einstaklingum sem hafa fengið dvalarleyfi á Íslandi á grundvelli fjölskyldusameiningar út af Gaza. Söfnunin fór af stað 7. febrúar og nú þegar hafa safnast rúmar 30 milljónir króna til að koma fjölskyldunum heim.
Almennir borgarar, með enga diplómatíska reynslu, tóku málin í sínar hendur eftir ærandi aðgerðarleysi ráðuneytismanna og í byrjun febrúar fóru þrjár íslenskar konur til Kaíró. Þeim tókst á fjórum dögum að koma einni fjölskyldu yfir landamæri Rafah og Egyptalands.
Nokkrum dögum síðar komst önnur fjölskylda yfir landamærin og í öruggt skjól til Íslands með aðstoð hópsins. Sjálfboðaliðar hafa síðustu vikur unnið áfram að því að koma einstaklingum út af Gaza og til Íslands og hafa 37 einstaklingar, aðallega veik og særð börn, komist út af Gaza (og hluti af hópnum til Íslands) eða eru á leiðinni frá Gaza á næstu dögum, vegna þrotlausrar vinnu sjálfboðaliða.
Enn hafa engar fréttir borist af því hvort eða hvenær íslensk stjórnvöld muni sækja fólkið á Gaza. Íslenskir sjálfboðaliðar sjá því ekki annað í stöðunni en að halda áfram sinni vinnu, en tíminn er á þrotum, og nú ríður á að sækja þau sem eftir eru á Gaza áður en Ramadan hefst þann 10. mars. Gefið hefur verið út af ísraelskum stjórnvöldum að lokahnykkurinn í þjóðhreinsuninni á Gaza muni eiga sér stað á þessum helgasta tíma múslima. Við höfum sýnt það og sannað að með sameiginlegu átaki getur íslenska þjóðin lyft grettistaki og sótt þau sem eftir eru. Hópurinn sem eftir er samanstendur af 32 mæðrum, 49 börnum og 9 feðrum og safna þarf 25. milljónum til viðbótar til þess að koma þeim heim!
Í dag hafa meira en 3000 einstaklingar styrkt verkefnið með frjálsum framlögum, ásamt nokkrum fyrirtækjum og félagasamtökum. Fjöldi fólks hefur haft samband til að bjóða fram aðstoð sína og hafa þó nokkrir þegar farið til Egyptalands á eigin kostnað til að aðstoða við að koma fólkinu okkar í öruggt skjól. Þar að auki hefur fólk úr öllum áttum tekið sig til og sýnt stuðning í verki með því að gefa vinnu sína, sköpun og tíma. Stuðningur almennings á Íslandi við þetta stóra verkefni hefur verið meiri en okkur óraði fyrir og því erum við gífurlega þakklát. Þessi stuðningur er ómetanlegur og tryggir að vinna sjálfboðaliðanna geti haldið áfram, að það sé hægt að koma fleiri fjölskyldum undan þjóðarmorði.
Við höfum einsett okkur að gefast ekki upp á meðan fólkið okkar berst enn fyrir lífi sínu á Gaza. Til þess þurfum við áfram stuðning almennings. Saman getum við gert kraftaverk og komið fólkinu okkar í öruggt skjól.
Hægt er að leggja söfnuninni lið hér
Reikningsnúmer: 0515-14-007470
Kennitala: 600217-0380
AUR: 1237919151
Nánari upplýsingar solaris.help/palestina
F.h. stjórnar Solaris og hópsins á bakvið verkefnið,
Sema Erla
formaður Solaris